kamay nito na hinila nito ang ama palapit sa nakaupong si Cristina na nagkukunwaring si Christine. Nang makaupo ito sa tabi niya ay nilingon siya nito sa kaliwa at nginitiang muli. Ngumiti rin siya pabalik pagkatapos ay muling itinuon ang tingin sa pinapanuod nilang cartoons ni Alfred. 
        "Kanina pa ba kayo nanunuod ng TV ng Tita Christine mo ha Alfred?" tanong nito sa anak.
        "Kanina pa po ako nanunuod papa, pero si Tita Christine kadarating lang. Sinamahan lang po niya akong manuod rito sa sala natin," sagot ng bata sa ama. "Natutuwa po talaga ako papa na magtatagal pa sa atin si Tita Christine. Kayo po papa natutuwa rin po ba kayo na magtatagal pa sa bahay natin si